انا اسف جدا جدا جدا على التاخير فى الرد والف شكرا لك على هذا الشرح الجميل جدا جزاك اللة خيرا انا استفد من الشرح وكنت اتمنى ان اطبق الشرح على المازر لكن للاسف العميل اخدها وريحنى من زنة --- تانى مرة اشكرك من كل قلبىالبورد الفوكس ... بصراحه ارخم بورد في صيانتها وكمان مشاكلها مالهاش حل سهل ... وانما دائما اصعب الحلول لانها لا ترضي بالقليل ابدا.........
من خلال تجربتي مع البورد الفوكس اقدر اقول ان ايسيهات دائره الرام من اقل الايسيهات الموجوده في الموذرات جوده علي الاطلاق
فعلي سبيل المثال بورده شبيهه للبورده التي يتحدث عنها العضو من فتره قليله جاتلي وكانت قاطعه رام ( تصفر من غير وجود الرام وما تصفرش في وجودها) ودي فعلا مشكله رخمه قوي
وبعد تغيير البايوس نهائيا وتغيير دائره الرام كلها ما عدا كنترول الرام ... البورده بردو ما اشتغلتش ... بس تعالو نحسب الموضوع بطريقه علميه شويه اكتر منها عمليه...
المفروض ان الفولت علي الرام ال 2 1.8 فولت وعلي ال 3 1.5 فولت... تمام... طيب لو احنا قسنا ولقينا الفولت الواصل للرام مظبوط كده هنخرج بره دائره الرام خالص وهيكون شكنا اما في البايوس او الشيب الرئيسي اة السوكيت او ... او ..... وهكذا
بس فيه حاجه احنا مش واخدين بالنا منها ... ان الخواجه مهتم قوي بفولتيه الاطراف في الرامات للبورد الحديثه كلها وبالاخص الفوكس ( انا بصراحه مش عارف ليه)
بس اللي علينا احنا اننا نعمل خطوه واحده تانيه قبل من نطلع بره دائره الرام وهي ايه؟؟؟؟
اننا نقيس اطراف الرامات من علي المقاومات الشيكيه المجاوره لبنك الرام مباشره
طيب المفروض اننا نلاقي ايه بالظبط؟؟؟
المفروض اننا نظبط الافو علي وضع الفولت 20 ونقوم بالقياس لو عطالنا قراءه في ال 2 0.9 وفي ال 3 0.7 يبقي كده نطلع بره دائره الرام فعلا .. ولو ما عطناش القراءه دي ؟؟؟
يبقي نغير اللي في الصوره دي
ال2 ايسيه المظللين ... دول كنترول الرام اللي بيدي للرام ال1.8 فولت والتاني اللي بيدي للرام ال 0.9 فولت
طيب لو لقيينا ال 1.8 فولت وما لقيناش ال 0.9 فولت نعمل ايه ؟؟؟ نغير الايسيه رقم 1
طيب لو مالقيناش ال1.8 اصلا من البدايه ؟؟؟ يبقي نغير الايسيه رقم 2
لان استحاله تلاقي قياس الاطراف موجود من غير وجود قياس الرام نفسها
طيب ايه هو الايسيه رقم 1 والايسيه رقم 2 دول؟؟؟؟؟؟؟؟؟؟؟؟؟؟
دول كنترول الرام وايسيه القسمه ( برجاء المراجعه لقسم الشروحات لموضوع ايسيهات القسمه ما بين الشرح العلمي والعملي)
كده مشكلتك مهندس علاء اظن انها اتحلت ...قم بالتغيير واعلمنا بالنتيجه
متابع
