مشكلة مازر foxconn 661m08-fx-6ls

[هانى الساحر]

 

 

​

تحية طيبة الى الجميع هنا ..
الحقيقة هذة المازر حيرتى فعلا ..
شغااااااااااااااااااااااااااااالة ..
لا يوجد سخونة او تلف فى المكونات ..
سوكت البروسسر سليم ..
سوكت الرمات سليم ..
البيوس سليم وتم شحنة ونفس العطل ..
المشكلة انها بتقف وتهنج فى تسطيب الويندوز ..
بمعنى انى اسطب جوست او تسكيب ويندوز عادى تبدا وعند صفحة تحميل الويندوز البكرات تقف خالص لوحة مفاتيح وماوس وكلة ..
- غيرت اكثر من بروسسر ..
- غيرت اكثر من رامة ..
- شحنت بيوس ..
قفلت الكروت الداخلية الصوت واللان فى البيوس ..
نفس المشكلة بتقف ورافضة انها تفتح ويندوز نهائى .. :wut:
غيرت اكثر من هارد عليها ..
المصيبة بقى واللى يجنن بتفتح الويندوز الموجود على الهيرن 11 او 15 .. :evil_lol:
سخنت شوية تحت الشب الجنوبى وتحت سوكت البروسسر وبفحص التيسترات كلة سليم وبتفتح المازر وشغالة وبتعمل بوت سليم من الاسطوانة او الفلاشة وقلت بتفتح الويندوز الخاص على الهيرن بوت بدون مشاكل ..
لكن ويندوز طبيعى نوووووووووووووووووووووو .. eace:
انا احتارت .. :TFR28:
هل من افكار عبقرية لحل هذة المشكلة ..
هل من احد واجة هذة المشكلة ووصل لحل فيها ..
من فترة رفضت مازر بنفس المشكلة وفوكس كون مطابقة ..
طيب هى كل مازر نفس الموديل بنفس العيب ارفضها لازم حل ..
ومنتظر الحول من الخبراء هنا ..
وانا قدمت كل ما قمت بة فى المازر من خطوات وما تزال المازر شغالة ..
ودة يجنن .. :boxing:

​

 

 

[م اسلام معروف]

   

رد: مشكلة مازر foxconn 661m08-fx-6ls

للاسف الفلاشه الموجوده في هذه البورده عليها حمايه
يعني الصح انك تفك الحمايه وتشحن
لو عملت كده مش هتشتغل لانها محتاجه تتقفل تاني بعد الشحن
واغلب اجهزة الشحن لا تقوم بهذه الخاصيه انما كبيرها الفك فقط

لذا عن تجربه
فك شريحة بايوس سليمه من بورده تقطيع وانهي شكك في الشحن

انما لو مش كده يمكن التسخين تحت الNB




ده طبعا بعد ما تغسل البورده بالميه والPril او اي صابون سايل
وتنشفها كويس بالهوت جن


ينقل لقسم المشرفين

 

 

[هانى الساحر]

   

رد: مشكلة مازر foxconn 661m08-fx-6ls

صديقى الطبيعى عندى حين الشك فى اى مازر انى بغسلها وبنظفها وبيكون المركب كا التالى بيرل مركز مع كمية من ايرال او اى مسحوق اخر وقبل كدة برش عليها كميسة بيروسول كبيرة وبنظف بالفرش ولا استعمل نهائى التنر ..
لان فى مارزات بيكون فيها طبقات اكسدة وتلامس ردئ فى اطراف اى سيهات فيها من الاملاح والرطوبة والسخونة والاتربة الايونية بها ورش منظفات فيها واسبرى ..
هذة المازر كانت شغالة فى الكيسة الخاصة بها وبتفتح ويندوز وشغال الصوت واللان بها ..
وجانى الزبون عايز يبيع لانة ها يحديث الى g41 قلت لا اجربها وجربت لاقيتها شغالة وتمام وعملت تيست لعلبة البور فى الكيسة تمام لانة عندى كارت التيستر الرقمى لعلب البور وفتحت العلبة من جوة تمام ..
علشان ها اركب عليها g41 ومش عايز عك وقبل ما افك الكيسة جربت وسطبت جوست عليها برضة تمام ..
فكيتها ببروسسر 3 كاش 512 ورامة 512 ار 1 وركنتها لانى كدة جربت كويس وما اتعمل فيها صيانة خالص قبل كدة ..
اشترى الزبون حاجتة وجانى وركبتها لة على هاردة 160 داتا وتمام وخد كيستة ومشى ..
بعدها ب 4 ايام جانى زبون تانى معاة فور قديم وعايز اى حاجة حنينة علية قلت فى مازر وعيالها قال تمام ..
كالعادة بجرب كيستة وبفحص بكل دقة وخصوصا علبة البور ما بكتفى بتقرير كارت التيستر بفتحها واشوفها فيها منتفخ ولا او احمرار وتحميل فى اى مكان فيها ..
وجربها المازر الفوكس من برة تانى قبل ما اركبها وركبت هاردة وعندى علبة بور مضمونة للتيست رفضت تحمل الويندوز ..
وانا لسة ما ركبتها للزبون فى كيستة ..
نغير رمات نغير بروسسر نغير هارد ..
المشكلة كما هى رافضة تفتح الويندوز ..
ودة الى ها يجننى لانى فكيتها شغالة وبتفتح ويندوز وسطبت جوست عليها للتجربة وفتحت بلا مشاكل ..
اية حصل اية العطل ما اعرف بصراحة ..
رحت ركبت غيرها للزبون لانة عندى كتير مستعمل تانى ..
وغسلتها ونظفتها وراجعتها كلها بالمقاومة ما فى مكسور ولا تالف ..
وعملت الخطوات السابقة ووقفت ومش عارف عيبها اية ..
وعلى فكرة انا عندى التوب 3000 لشحن البيوس مشترية من رؤية وشحنت ملفها مرتين وبيقبل يتمسح ويتشحن عادى مش محمى لانة اى سى مربع كبير ابروم ..
لكن الشك عندى فى 2 موسفيت برقم ..
az1084d موجود بجوار الفركونسى وخلف جاكات الصوت ..
ams1085cd موجود بجوار الكرستالة وبجوار الشب الجنوبى ..
دول بيعطوا قياس مفتوح الطرف الاحمر على المنتصف والاسود بيقيس على الطرفين ..
ارقامهم مش عندى متوافرة فى اى بورد للمقارنة او للتغير ..
وقبلها بشهر رفضت بوردة مطابقة بنفس العيب والمرة دى انا مصر اعرف اية العطل فيها اللى بيخليها ترفض تسطب ويندوز او اية القطعة التالفة فيها ..
واقول تانى المازر شغالة وعلى شاشة البيو ممكن ساعة ما تهنج ولا تقف ابدا سخونة البروسسر طبيعية ما بتزيد عن 42 درجة ..
ومنتظر الراى من الخبراء ..
واهو ها احاول تانى بافكار جديدة فيها مهو لازم اعرف اية عيبها ولية عملت كدة علشان لو جات مازر زيها تانى بنفس العيب اعرف امد ايدى فين وازاى ولية ..

 

 

[هانى الساحر]

   

رد: مشكلة مازر foxconn 661m08-fx-6ls

تم حل المشكلة برفع المنظم l7805 الخاص بتغذية كارت الصوت واللان وتم غلق الكارتين فى البيوس وتركيب غيرهم خارجى واشتغلت المازر تمام وبتفتح ويندوز زى الفل وبدون تهنيج او مشاكل ..

 

 

[هانى الساحر]

   

رد: مشكلة مازر foxconn 661m08-fx-6ls

تم ايضا حل مشكلة 2 مازر تانى فوكس كون الاولى زيها نفس الموديل والثانية فور قديمة ما فيها ساتا كان فيهم نفس العيب عدم تحميل الويندوز والحل بفصل كهرباء الصوت واللان من المازر وغلق الكروت فى البيوس وتركيب كروت خارجية ..
وتم اختبار المارزات على اكثر من نسخة ويندوز وتجربة تشغيل افلام والعاب لفترة طويلة وتحميل على المازر ..
لا تهنيج ولا ريستارت ولا مشاكل ..
وهذا للافادة لجميع ..