مشكله حصلت بعد مرجع الاب من الصيانه

[i_beam86]

 

 

سلام عليكم
انا عايزه اسال على حاجه
انا عندى لاب dell inspiron 1545
عنده 3 مخرج يو اس بى
اتنين فوق بعض
وواحده الناحيه التانيه

كنت موصله فيه لمبه وكانت تقيله فكسرت الحته البلاستك اللى فى مكان اليو اس بى
بس كانت شغاله عادى
ولما بحط اى فلاشه بتشتغل ساعات وساعات
بس كنت بستعمله كشاحن للموبايل لما بحط فيه وصله الموبايل بيتشحن
واللى تحتها شغاله عادى
الكلام ده من اكتر من سنه

مروحه بتاعته باظت ورحت لمحل اصلحها
لما جيت اخده الراجل بيقولى انه لغالى اليو الس بى اللى كانت بايظه علشان ممكن تعملى شورت فى البورده

لما روحت لقيته فعلن لغاها لما بحط فيها اى حاجه مش بتنور ولا تعمل اى حاجه

اليو اس بى التانيه اللى ناحيه اليمين مش بتقرا اى حاجه
لما بحط فيها الهارد الاكسترنل بتنور بس مش بتقرا
ونفس الحكايه الماوس
واى فلاشه

كلمته سالته
قالى ايوه مانا علشان افصل واحده لازم التانيه تتفصل معاها
قولتله بس المنطقى اللى جنب بعض هما اللى يتفصلوا
مش واحديه ناحيه الشمال والتانيه ناحيه اليمين وتفصلهم
قالى لاءة عادى

قولتله بس حضرتك مفصلتهاش هى بتشتغل وبتطلع كهربا بس
قالى مفيش حاجه اسمها كده

قولتله لاءة لما بحط فيها الموبايل بيشحن بيقولى ان الشاحن اتوصل
بس

يقولى لاءة مفيش حاجه اسمها كده
تلاقيه عيب وندوز

قولتله طيب انا عايزك ترجعلى الاب زى مكن وتشغل اليو اس بى
قالى
انه جمبر وهيركبه وخلاص

انا عايزه اعرف هى فعلن مشكله وندوز
ولا هو بيضحك عليا

وهل هو منطقى ان لما يفصلى اليو اس بى يبقا واحده ناحيه اليمين والتانيه ناحيه الشمال ويقولى انهم متوصلين بنفس الحاجه

ويخلى واحد متشتغلش خالص والتانيه بتطلع كهربا بس

ولما بحط فيها اى حاجه وتنور بس متشتغلش ده معناه ايه

 

 

[Fire_Line]

   

رد: مشكله حصلت بعد مرجع الاب من الصيانه

هيا طبعا مش مشكلة ويندوز وطالما اليو اس بى ده فى جنب والتانى فى جنب او تفصل واحد التانى مش ها يفصل الا ان كان الاب كله اساسا فاصل يو اس بى ودى مشكلة كبيرة ومش معنى فاصل يعنى هيقف خالص التغذية هتفضل موجودة ودى اللى بيشغل عليها الشاحن اما ان كانت فلاشة فبتحتاج 4 خطوط (ارضى والتغذية 5 فولت وخطين بيانات) ولو كانت مشكلة ويندوز جرب تنزل وشوف النتيجة .
بدل ماتعمل مشكلة معاه روح قله شغلى اليو اس بى كله ويغيرلك المخرج المكسور لانه ببساطة مش هيفصلك الاب كله عشان اليو اس بى وبعدين ده لاب مش جهاز عادى يعنى اساسى عندك اليو اس بى شوف هتوصل معاه لحد فين ان كنت متأكد ان لاب كان شغال قبل ما توديه عنده
سيتم نقل موضوعك للقسم المناسب .

 

 

[i_beam86]

   

رد: مشكله حصلت بعد مرجع الاب من الصيانه

Fire_Line
شكرا على ردك

هيا طبعا مش مشكلة ويندوز وطالما اليو اس بى ده فى جنب والتانى فى جنب او تفصل واحد التانى مش ها يفصل الا ان كان الاب كله اساسا فاصل يو اس بى ودى مشكلة كبيرة

هو فيه واحده يو اس بى بس الى شغاله كويس

ومش معنى فاصل يعنى هيقف خالص التغذية هتفضل موجودة ودى اللى بيشغل عليها الشاحن اما ان كانت فلاشة فبتحتاج 4 خطوط (ارضى والتغذية 5 فولت وخطين بيانات) ولو كانت مشكلة ويندوز جرب تنزل وشوف النتيجة .

فعلن جربت نزلت وندوز ونفس المشكله موجوده بتطلع كهربا بس

بدل ماتعمل مشكلة معاه روح قله شغلى اليو اس بى كله ويغيرلك المخرج المكسور لانه ببساطة مش هيفصلك الاب كله عشان اليو اس بى وبعدين ده لاب مش جهاز عادى يعنى اساسى عندك اليو اس بى شوف هتوصل معاه لحد فين ان كنت متأكد ان لاب كان شغال قبل ما توديه عنده
سيتم نقل موضوعك للقسم المناسب .

انا متاكده انه كان شغال
قبل موديه ليه على طول كنت موصله ماوس وهارد اكسترنل فى الفتحتين

سالته فى التليفون قالى انه عباره عن جمبر بيتشال ويتركب وانه هيرجع اللى فصله
انما التانيه هو ملوش دعوه بيها
وهل فعلن لو الجمبر مهزوز يبقا يطلع كهربا بس :no:
ولو حبيت اغيرها سعر تغير اليو اس بى 100 جنيه:thumbdown:
الكلام ده صح ولا ايه:crazy:

المفروض هو اللى يصلحها علاشان كانت رايحه ليه سليمه صح ولا ايه

 

 

[Fire_Line]

   

رد: مشكله حصلت بعد مرجع الاب من الصيانه

مفيش جامبر فى الاب توب اساسا طول شغلى بصراحة ملقتش !!!!
لو كانت واحدة اللى شغالة فقط والاتنين تالفين بسبب الكسر يبقى الفصل اكيد تم عن طريق البايوس على الاغلب ..رجع اعدادات البايوس للوضع المصنع وشوف النتيجة ...اما شغلك معاه انت وديته ومتأكد ان اليو اس بى شغال على الاقل لو جامبر زى ما بيقول يرجعهولك زى ماكان (حقك)
و بعدين لو جامبر يفصل اليو اس بى باور فقط وميفصلش الجهاز كله من الاساس على حسب الدائرة الموجود فيها ...