ارجو مساعدتى فى حل مشكله سهله ولكن صعبه

[loay_romanse]

 

 

بسم الله الرحمن الرحيم اولا انا بشكر القائمين على الموقع لانى فعلا استفدت منه كتير وجزاكم الله كل خير اما بعد مشكلتى انى كارت الصوت الاساسى بتاعى كان فى البوردا اوتوماتيك واتحرق وجب كارت صوت جديد واشتغل وكويس لكن لما بقفل الكمبيوتر واجى افتح بستنى ساعه لما يفتح وكمان بيفتح من غير صوت ولازم اعمل ريستارت علشان الصوت يشتغل ارجو مساعدتى ولكم منى جزيل الشكر والمحبه

 

 

[هانى الساحر]

   

نوع المازر اية وهل هى فور عادى ولا من الحديثة او صورة لها ..
نوع كارت الصوت المركب خارجيا اية ؟؟

 

 

[loay_romanse]

   

ازيك ياباش مهندس متشكر جدا على اهتمام حضرتك هو المازر عاديه نوع كارت الصوت اعرفه ازاى

 

 

[هانى الساحر]

   

​

one_man_loay: ازيك ياباش مهندس هانى انا متشكر جدا على رد حضرتك
prince_hany_magic: من انت
one_man_loay: السلام عليكم
one_man_loay: انا حضرتك عضو فى المنتدى
one_man_loay: وانا اسف على الازعاج
one_man_loay: بس كان مشكله فى الصوت
one_man_loay: ومش عارف احلها
prince_hany_magic: انا سالتك هناك
prince_hany_magic: عن نوع المازر او صورة لها
one_man_loay: ايوة يافندم
one_man_loay: المازر عاديه
one_man_loay: وكارت الصوت اعرف نوع ازاى حضرتك
prince_hany_magic: يعنى المازر جيجا ولا اسوس
one_man_loay: هههه انا اسف بس عارف ارجوك اوعى تتضايق والله ما بكذب
one_man_loay: اعرف ازاى
prince_hany_magic: لونها اية
one_man_loay: هههههههههه اخضر
one_man_loay: جهاز قديم شويه
one_man_loay: 2005
prince_hany_magic: انت بتعرف صيانة
prince_hany_magic: ولا على قدك
one_man_loay: على قدى حضرتك
prince_hany_magic: بص جوة الكيسة
one_man_loay: مفيش حد عندنا عرف يحلها
prince_hany_magic: جنب فتحات البى سى اى
one_man_loay: ايوة
prince_hany_magic: فى شب صغير اسمة ريل تك
prince_hany_magic: وجنبة ترانزيستور
prince_hany_magic: 3 رجل صغير
one_man_loay: مظبوط
prince_hany_magic: دول شب الصوت اللى جوة المازر
prince_hany_magic: والتغذية لة
prince_hany_magic: حط صباعك على اترانزيستور الصغير لمسة كدة
prince_hany_magic: شوفة سخن مولع ولا
one_man_loay: بس حضرتك هو كارت الصوت الاساسى اتحرق وبعدين انا جبت كارت صوت خارجى
one_man_loay: اوكى
one_man_loay: ايوة حضرتك
one_man_loay: مولع ساخن جدا
prince_hany_magic: تعرف تدخل على السيت اب بتاع المازر
one_man_loay: الموقع حضرتك
prince_hany_magic: شاشة الديل الخاصة بالمازر
one_man_loay: ايوة
prince_hany_magic: ها تنفذ الكلام التالى بدون نقاش
one_man_loay: حاضر يافندم
prince_hany_magic: تطفى الجهاز وتشيل كابل البور منة
prince_hany_magic: وتمسك الترانزيستور الصغير تحرك فية يمين وشمال لغاية ما تنكسر ارجلة
prince_hany_magic: وتخلعة من المازر
one_man_loay: الساخن دا
prince_hany_magic: وبعدين تشغل الجهاز وتدخل على شاشة الديل
prince_hany_magic: ايوة
one_man_loay: تمام
prince_hany_magic: تدور فى اخيار اسمة انتجريتد بيرهابس
prince_hany_magic: وتدور فية على اخيار الصوت
prince_hany_magic: وتقفلة ديسيبول
prince_hany_magic: وبعدين تركب كارت الصوت الخارجى
one_man_loay: ايوه انا اساسا علمتها يافندم
one_man_loay: عملت الحركة دى
prince_hany_magic: وتغير مكانة اللى كنت واضعة فية
prince_hany_magic: طيب اكسر الترايزيستور
prince_hany_magic: لانة بيغذى كارت الصوت الداخلى
prince_hany_magic: وتالف وعملة قفلة على المازر
prince_hany_magic: ويخلى الجهاز بطئ ويهنج
prince_hany_magic: لازم تفصل كهرباء عن كرت الصوت الداخلى
one_man_loay: انا بجد مش عارف اقول لحضرتك ايه
prince_hany_magic: للمازر
prince_hany_magic: علشان اى كارت خارجى يشتغل كويس
prince_hany_magic: ويبطل الجهاز بطئ وتهنيج
one_man_loay: طب انا بجد مش عارف اشكر سيادتك ازاى اول مرة الاقى حد بيعمل حاجة لله
one_man_loay: بجد ربنا يباركلك
prince_hany_magic: عادى
one_man_loay: وارجو تقبل من كل الشكر والمحبه
prince_hany_magic: وابقى ادخل تانى على موضوع وتكتب النتيجة
one_man_loay: حاضر حضرتك
prince_hany_magic: والخطوات اللى انا قلتها
one_man_loay: حاضر حضرتك
one_man_loay: متشكر جدا انا اخوك لؤى من دمياط
one_man_loay: واعتبرها بلدك لو حبيت تزورها ان شاء الله​

​

===========
هذا نص الحوا وما تم شرحة عبر الايميل لصاحب المشكلة ..
وكان عربى لسرعة الكتابة ولمستوى صاحب المشكلة فى الصيانة ..
هذة المشكلة مشهورة جدا جدا فى انواع المازرات القديمة والمتوسطة ..
تلف التغذية الخاصة بشب الصوت وتعتمد التغذية على منظم جهد بقدرة 5 فولت صغير احيانا بتلف وبيتلف الشب الخاص بالصوت مما يؤدى الى سخونة عالية بة وبالشب وتتأثر المازر بورد بهذا العيب وتصيح بطيئة فى كل التعاملات والجهاز بطئ ويهنج كثيرا ..
ومع تركيب كارت صوت خارجى بتظهر مشاكل اكثر تهنيج فى تشغيل اى شئ بة صوت او شوشرة عالية فى الصوت او هانج للجهاز كلة وموت ..
مع فقد مستمر لتعريف كارت الصوت الخارجى ..
الحل البسيط هو كسر هذا المنظم وخلعة من المازر ..
الحل الاكيد وخصوصا فى الانواع الحديثة هو تغيرة مع تغير شب الصوت ..
او رفعة نهائيا من المازر ورفع شب الصوت وتركيب كارت صوت خارجى ..

​

​

 

 

[هانى الساحر]

   

ينقل الموضوع لقسم مشاكل المازر بورد ..