رد: toshiba satellite L505 power brobleme
خلليك مركز معايا شويه علشان باذن الله نوصل للحل
طبعا حضرتك هتشيل المقاومه المذكوره
وتضع الشاحن وتقيس الفولت علي مكان المقاومه نفسها
لو لقيت الفولت يبقي منطقة الدخل سليمه
نرجع بقي للنقطه التانيه
هتقيس بالصفاره ما بين طرف المقاومه اللي بيغذي جميع الموسفيتات مش اللي بياخد من الشاحن
مع الارضي
طبعا هتسمع صفاره
فيه طريقتين
نبدا بالصعبه::
نرفع كل موسفيتات اللي بتاخد 19 فولت من المازربورد
ونقيس مش هنلاقي شورن
نروح نركب الموسفيتات واحد واحد من غير مانقيس الموسفيتات برا
وبعد ما نركب موسفيت نروح ناخد قياس المقاومه مع الارضي
لغاية ما نركب موسفيت تروح المقاومه تصفر
ندخل لدايرة الموسفيت ده بقي ونشوف ايه المشكله فيها
يعني بمعني اصح نرفع كل موسفيتات الدايره دي
ونروح نقيسها بره
ولو فضلت الصفاره موجوده بعد رفع الموسفيتات معني كده اننا بندور علي ايسي كنترول عامل قفله صريحه
----------------------
بس فيه حاجه ممكن بعد ما نرفع كل موسفيتات البورده تروح المقاومه تصفر
وده معناه ان القفله مش في الموسفيتات القفله في كنترول بتاع دايره
يعني مين كنترول او ايسي الشحن او مكسيم الباور
-----------------------------
------------------------------
الحل السهل بقي ::
يكون عندك باور سبلاي
زي ده
ناخد منه طرفين ونضبطه علي مثلا
5فولت
3 امبير
ونحط طرف سالب علي اي ارضي في الجهاز
والطرف الثاني
علي مكان المقاومه اللي بيصفر مع الارضي
ونشغل الباور سبلاي
وهنلاقي سحب الفولت فليل وسحب الامبير 3 امبير مستهلك
هنا بقي نروح بسرعه نجس كل الايسيهات اللي ممكن نشك فيها
او الموسفيتات او اي دايود
اللي يسخن يبقي هو المتهم والطريقه دي سهله وعمليه وكلنا بنشتغل بيها لتوفير الوقت والجهد
*********************************
اما تشخيصي انا لحالتك انت
فانا اشك ان عندك مكثف خزفي تالف قد يكون بنسبه كبيره في قاعدة البروسيسور او خلفها
او قد يكون في دائرة الشحن
لا تستبعد ذلك فقد مرت بنا كثيرا
لذلك اتمني ان ترفع المكثفات الخزفيه (السيراميك) الكبيره في تلك المناطق وتقوم بقياسها في الخارج
طبعا اللي هيصفر هتشيله من مكانه وترجع الباقيين
وما تركبوش او لو عندك واحد شبهه وبنفس الحجم تحطه مكان
**********************************
منتظر ردك بشده
