مشكلة فى بورده جيجابيت h61

[سعد العربى]

 

 

عندى رامتين كل رامة 4 جيجا وكانوا شغالين مع بعض تمام وعندما اغلقت الجهاز وعدت مرة اخرى اشغله يشتغل وبعد 10 ثوانى يفصل ثم يشتغل وبعد 10 ثوانى يفصل وهكذا ولا شئ ع الشاشة شاشة سوداء وبعد محاولات كتيرة مفيش نتيجة .نزعت رامة من الاثنين اشتغل الجهاز عادى جدا فى الاول شكيت فى الرامة فبدلت الرامة اللى كانت شغالها بالتانية اللى شلتها فاشتغل الجهاز عادى جدا يعنى الرامتين شغالين تمام شكيت فى بنك الرامة الاول فجربت كل رامة على البنك فحصلت المشكلة تانى شلتها وركبتهم الاثنين"مرة واحدة ومرة واحده" فى البنك التانى الجهاز يشتغل تمام. ركبت رامة فى البنك الاول مع الرامة فى البنك التانى حصلت نفس المشكلة فتوصلت ان البنك الاول فيه مشاكل جربت التنظيف والمسح بالفراشاه والمناديل الورق ونفس المشكلة عاوز اعرف ايه الحل ارجوكم.

 

 

[م/ امير درويش]

   

رد: مشكلة فى بورده جيجابيت h61

قم اولا بعمل كلير سيموس وبعدها تشغيل البورده فتره بدون البروسيسور والرام والبطاريه وجرب وان العطل مازال كما هو قم بشحن البايوس كما يحدث فى الـــ g31

 

 

[future.net2013]

   

رد: مشكلة فى بورده جيجابيت h61

مع تحياتى للمهندس امير درويش
يا استاذ سعد العربي مينفعش تنظف بنك الرام بمناديل الورق ابداً لان بتترك بقايه وراها انا بقول فرشاه جديده واستعمل تنر وامسح الرامات كويس

.

وبعدين اتأكد من الباص بتاع الرامتين اكيد غير متوافقين . لو منجحتش الطرق دي انصحك اعمل فحص سوفت الرام وشكراً

 

 

[سعد العربى]

   

رد: مشكلة فى بورده جيجابيت h61

اشكركم للرد والاهتمام بس ازاى اشحن البيوس فى بوردتى لانى الصراحة مش خبير اوى
الرامتين باص واحد 1333 ولا مشاكل فى الرامة اطلاقا

 

 

[zeid25]

   

رد: مشكلة فى بورده جيجابيت h61

مشكلتك تنحصر في تنظيف بنك الرام ونقاط التماس في الرام
عملية التنظيف بالمنديل او ما يشابهه لا تحل المشكلة
لا بد من فرشاة مناسبة وقليل من التنر او استعمال ما يسمى بمنظف نقاط التماس الكهربائي
وهو kantact cleaner 90